Informasaun no Suporte

Rede bem-estar komunidade mai ho Browsealoud. Ne’e instrumentu ida nebe tulun traduz pagina ne’e ba ita bo’ot nia lian. Atu hahu, selesiona circulo laranja iha liman los okos. Wainhira klick iha butaun sei mosu menu iha pagina nia leten.

Entre Ikone ha’at ita bo’ot sei hare ikone ida:

Depois dada tun sae menu hodi hili ita bo’ot nia lian.

Wainhira hili ona ita bo’ot nia lingua, website ne’e halo tradusaun automatika ba ita bo’ot nia lingua.

Bele sala, maibe hein katak bele tulun ita bo’ot hetan informasaun iha ita bo’ot nia lian rasik.

Ita hotu hatene wainhira mak ita nia bem-estar mental no fisiku diak ou lae maibe dala ruma ita preciza suporte extra hodi hetan diak. 

Iha passu simples lima nebe bele tulun mantein no hadiak ita bo’ot nia bem-estar. Koko hatama ba moris lor-loron – tau sira hanesan ‘five a day’ ba bem-estar.

Ligado

Ligado ho ema be besik ita bo’ot: familia, belun, kolegas no vizinhos iha uma, knar fatin, eskola ka iha komunidade lokal. Hanoin ligasaun hirak ne’e hanesan pilares moris nian no ho tempo hadiak nafatin. Haburas ligasaun hirak ne’e no sei suporta no hariku ita bo’ot lor-loron.

Tenke ativu

Ba lao ka halai, hean, halimar jogo, jardin ka dansa. Exersiziu halo o sente diak. Importante liu, deskobre atividade fisika nebe ita bo’ot gosta; ida nebe adequada ho o nia nivel mobilidade no aptidaun.

Repare

sai observante, buka buat nebe diak ka halo buat nebe laos bai-bain. Saboreia momentu ne’e, tantu iha bis ka taxi laran, oras almosu ka koalia ho belun sira. Ciente ho ambiente no saida mak o sente. Reflete ita bo’ot nia experiensia sira sei tulun ita bo’ot apresia saida mak importante liu.

Aprende nafatin

Labele tauk aprende buat foun, hamanas fali hoby uluk nian ka tuir kursu ruma. Assume  responsabilidade foun ruma, hadia bicikleta, aprende toka instrumentu ruma ka tein ita bo’ot nia hahan favorita. Kria desafiu nebe ita bo’ot gosta. Aprende buat foun sei halo ita bo’ot sai konfiante liu, nomos, interesante atu halo.

 Fo

Halo buat diak ba belun ka ba ema fuik le’et ruma, agradese ema ruma, hamnasa, sai voluntariu ka koko tama iha grupo komunitariu ruma. Hare ba liur hare mos mai laran. Hare ba an rasik no liga ita bo’ot nia alegria ba komunidade bele lori kreditu bo’ot no kria ligasaun ho ema nebe besik ita.

Ami kria ona lista atividade livre ka folin baratu nebe ita bo’ot bele halo passe 5 ba ita bo’ot nia moris lor-loron>> https://communitywellbeing.info/take-5-steps-to-wellbeing/

Iha rekursus oi-oin iha website ne’e. Ita temi deit rekursus hirak nebe ema hare barak liu nebe ami hanoin iha benefisiu ba ita bo’ot. Hare links iha kraik ne’e.

Deskansa – Informasaun no konselhu pratiku kona ba toba, meditasaun no konsentrasaun.

Moris mesak no Isolamentu – Informasaun kona ba oinsa moris mesak, isolamentu no ligadu.

Osan – Informasaun no konselhu kona ba saude mental no osan.

Advokasia ba hot-hotu –  Fatin ba ema ho idade 18 ba leten nebe preciza suporte, konselhu no  informasaun kona ba saude mental ka preokupasaun sira.

Servisu no Suporte – Buka suporte wainhira preciza husi servisu oi-oin nebe pronto atu tulun ita bo’ot. Bele koalia ho ita bo’ot nia GP se preokupada ka la hakmatek.

Presaun-Kustu-Moris nian – Servisu no suporte tulun ita lida ho aumentu kustu moris nian

Suporte ho ai-han no despesas moris nian – tulun buat nebe ita bo’ot preciza no preokupa

Se ita bo’ot nia saude mental afetadu ho racismu, ami bele tulun

Racismu lori efeitu negativu ba saude mental ema nebe hasouru. Hirak nebe hasouru racismu bele hetan trauma, anxiedade no depresaun, no susar atu hetan tulun.

Pagina ne’e karateriza mata-dalan suporte nebe disponivel ba individuo nebe hasouru racismu, Islamophobia no forma diskriminasaun seluk baseia ba rasa, religiaun ka etnicidade.

Dificuldade sentimentu no experiensia

Inspire’s sister organisation, Mind, deskreve oinsa racismu bele afeta ita bo’ot nia saude mental.

Le’e hodi hetan tan informasaun.

Racismu bele halo ita bo’ot sente:

• La simu o, mesak ka isoladu. Especial liu se ema ka organisasaun dehan ita bo’ot la halo parte sira. 

• Anxiozu, tauk no la seguru. Ita bo’ot karik preokupa oinsa ema kompreende ka trata ita bo’ot. Ita bo’ot bele hare oin seluk no vulneravel iha ema barak nia le’et ho rasa diferente. Dala ruma gasta tempo hanoin kona ba oinsa bele proteje-an wainhira tama iha fatin balu
• Hirus ka frustradu. Liu-liu, wainhira hetan tratamentu nebe la justu no sente kbi’it laek atu kontrola.
• Stresada. Forma oi-oin husi racismu bele kontribui ba stress. Ne’e inklui eventu derepente, abuzu inesperadu husi ema seluk. Maibe mos impaktu mai husi agressaun ki’ik oan regular sira tempo naruk nian. Ka efeitu racismu sistemiku durante moris .
• Laos bai-bain no estranho. Liu-liu se ema destaka, zomba  ka kritika sasan nebe ‘diferente’ kona ba ita bo’ot. Procesu ne’e halo o sente la merese halo parte buat nebe sociedade konsidera normal dala ruma bolu naran ‘othering’.
• Konfuzu ka laiha certeza kona ba ita bo’ot, experiensia ona racismu ka lae. Ne’e los, liu-liu, wainhira ema seluk ignora ka nega o nia experiensia. Ne’e halo ita bo’ot questiona o nia realidade. Ida ne’e dala barak bolu naran “racial gaslighting”.
• Obriga atu suprime oinsa o sente. O bele sente la konsegue hatudu ka demonstra ita bo’ot nia resposta natural ba sasan sira. Hodi evita abuzu seluk, no hodi proteje o nia an, o bele sente diak liu lalika reage ba racismu. Ida ne’e bele halo ita bo’ot sente entorpecida ka signifika experiensia belit metin ho ita ba tempo naruk.
• Opromidu ka desgastadu. Ita bo’ot karik hasouru racismu bei-beik. Ida ne’e bele lori efeitu kumulativu ba o nia saude mental. Ita bo’ot bele sente racismu haleu hela o.

Ita bo’ot nia experiensia racismu ba ita bo’ot nia pesoal. Sira kruza ho fator seluk. Husu ajuda ne’e passu importante hodi hadiak saude mental.

Hetan informasaun no konselhu

Ita bo’ot iha direitu atu sente seguru iha komunidade. Ita bo’ot mos iha direitu halao nafatin atividade lor-loron nian. Laiha ema ida hetan autorizasaun hodi trata aat o tan deit ba o nee se ka sira hanoin o ne’e se. se intimidadu, ameasadu ka atakadu tanba o nia rasa, etnicidade ka  religiaun, bele dere ba polisia iha 101 (laos-emergensia) ka 999 (ba emergensia).

Inspire’s  disponivel ba ema hotu ho idade 18 ba leten iha Norte Irlanda. Phonelines no webchat loke husi tuku 10:00am to’o 4:00pm, Segunda to’o Sexta. Hodi kontaktu ho  Advocacy for All:

Dere gratuita mai ami:

0808 189 0036

Email ami iha:

hello@inspirewellbeing.org

Chat ho ami husi webchat:

Klik deit chat icon iha kraik.

Informasaun util seluk

Servisu Polisia Norte Irlanda nian hasai ona konselhu kona ba krime odio, no oinsa atu halo keixa, iha sira nia website. klick iha ne’e hodi hetan informasaun.

Ita bo’ot karik  baruk hare buat hotu nebe akontese dau-daun. Importante tebes, tan ne’e, hodi proteje ita bo’ot nia saude mental se sente konsumu demais noticia ladiak. Iha buat barak iha ne’e hodi tulun ita bo’ot halo ida ne’e.

Keta haluhan iha rekursus barak kona ba saude mental no racismu. Ne’e inklui definisaun termus relevantes lubuk ida.

Jigsaw, Instituisaun karidade ba labarik no foin sae sira, halibur hamutuk kit ferramenta util auto-ajuda, designadu ba foin sae 12 to’o 25 anos hodi lida ho efeitu racismu. Disponivel iha ne’e.

Centre for Mental Health iha artigo interesante lubuk ida kona ba rasa no saude mental nebe ita bo’ot bele le’e iha ne’e.